Երևանի քաղաքապետարանն իր ենթակայության տակ թվով 162 մանկապարտեզի համար ձեռք է բերել շուրջ 30 մլն դրամ ընդհանուր արժողությամբ զարգացնող խաղեր, թեմատիկ պաստառներ, Երևանի տեսարժան վայրերի պատկերներով գիրք-ալբոմ, որը ծառայելու է նաև որպես դիդակտիկ պարագա։ Հարկ է ընդգծել, որ նման համալրում մայրաքաղաքի մանկապարտեզները չեն ունեցել ավելի, քան երկու տասնամյակ, տեղեկանում ենք քաղաքապետարանի մամուլի ծառայությունից։